ممنوع دخول الولاد !!!!!!!!!!

بسم الله الرحمن الرحيم

عايزة تعرفى ازاى تخطفى قلب شاب مدوخك ومش عارفه تعملى معاه ايه تعالى وانا اقولك
هديكي 99 نصيحة عنهم و صدقيني أثبتت صحتها عمليا بس التزمي أنتي و شوفي النتيجة و باريت تفرحينا بالنتايج بكرت دعوة لخطوبة أو فرح ههههههههههههههههههههههههههههه و مستنياكي يعني اوعي تضربي طناش اوكي
اما بقا للشباب اللي دخلوا الكلام ده في صالحكوا يعني مفيش زعل اوكي

-الشاب بيبص على البنت الحلوة (لان الله جميل يحب الجمال) بس مش شرط يحب وحدة قمر 14 المهم تكون حسنة الطلعة زي ما بيقولو و روحها حلوة و جذابة

- الشاب ميحبش البنت تعاكسه و تترما عليه و تتغزل فيه و في جماله عشان ده دوره هوا المفروض .

- ممكن الشاب يعجب بيكي للحظة و ينساكي بعديها ولا كأنه شافك قبل كده

- صحيح ممكن الشاب تكون عينه زايغة على البنات اللي رايحة و اللي جاية بس صدقيني قبل ما يجي ينام بيفكر في البنت اللي بيحبها و يحب يبقى آخر صوت سمعته ودانه قبل ما ينام صوتها

- لما الشاب يحبك بيتجاهل كل عيوب شخصيتك (مبيقعدش يطلع فيكي القطط الفطسة ويوريكي انك ازبل خلق الله) .

- الشاب ممكن يعمل أي حاجة ممكن تتصوريها أو حتى متتصوريهاش عشان يلفت انتباهك .

- الشاب بيتضايق جدا لما بتتكلمي عن الشباب عموماً و بالذات عن حبيبك الأولاني و تجاربك اللي فاتت .

- لما الشاب يقولك انو عايز يقابل اهلك اوعي ترفضي بل بالعكس شجعيه و اققفي جمبه في المعركة عشان تحسي بحلاو

- على فكرة الشاب بيعيط (مهما بان جامد و قوي مهوا بني آدم برضو) .

- الشاب ميعرفش يحلم و يتأمل كتيير زيك و معدوش صبر عايز كل اللي يتمناه يتحقق في ثانية .

- الشاب يموت عشان يوصل للبنت اللي نفضتلوا و ده بيخليه يتقبل هزيمته و خسارته بصعوبة جدا عشان دايما المفروض هوا اللي يكسب .

- لما توصلي لقلب شاب أنتي كده دخلتي سكة مفيهاش رجعة (دخول الحمام مش زي خروجه) .

- اوعي تدي شاب رسالة متعلقة زي " عارف... " أو " عايزة أقولك حاجة.... " و تسيبيه كده عشان كدة دماغه هتنط لاستنتاج بعيد أوييييييي عن اللي في دماغك .

-طبعا مفيش حاجه اسمها يمسك ايدك (حتى لما يجى يسلم ) بلاش عبط ههههههههه

- الشاب لما يكون بيلعب لسانه ده بينقط كلام زي العسل يدوخ بيه اجدع بنت بس تعالي حطيه قدام واحدة بيحبها هيتأتأ و كأن القطة اكلت لسانه

- لما تقولي لشاب " لأاااه " بيسمعها هوا حاول تاني بكرا (معلش أطرش هههههههههههههه) .
.

- الشاب لو قالك بحبك مرة واحده في القرن اعرفي انو فعلا بيحبك (بس مفيش مانع حضرته يسمعك شوية كلام حلو عشان يحسسك بأنوثتك) .

- حاسبي ..... يعرفوا صدق والا كذب .

- زي ما حصل مع امنا حوا و ابونا آدم أنتي نقطة ضعف الشاب (استغلي المعلومة دي كويس هههههههههه ).

.

- الشاب غالبا بيبقى صريح قوي لما يجي يتكلم عن نفسه .

- مفيش شاب ميعرفش يعاكس و يقول كلام حلو كلهم معاهم دكتوراه منذ الولادة بس بتختلف من واحد بجح لواحد بيتكسف من خياله.

- الشاب بيحب البنت المحترمة حتى لو مكانتش أمورة للدرجة .

- انتيمتك (صديقتك العزيزة يعني) اللي الشاب بيلجألها لو حب يعملك مفاجأة مثلا أو في مشكلة بينكوا وعايز حد يتوسطله مش بعيد ابدا يحبوا بعض هما اللتنيين و تخسري اللتنين حبيبك و انتيمتك (وكدة 1000 مبروك خرجتي أنتي من موله بلا حمص ايد ورا و ايد قدام ) .

- الشاب لو شكالك همه و حكالك عن مشاكله هوا مش عايز منك غير انك تسمعيه واوعي تعملي فيها ام العرييف و تنصحيه في نفس ذات اللحظة (في حموتها ) انما بعديها ممكن .

- حركة لا إرادية الشاب بيعملها فيكي لما تكوني أنتي حبيبته يفضل يضايقك و ينرفزك و يغيزك و يعلق على كل كلمة تطلع من بقكك .

- الشاب لو حبك و كنتي مرطبتة هيلاقي 1000 ملون طريقة يبعدكوا فيها عن بعض و يخليكي تحبيه ( فخلي بالك ) .

.

- الشاب بيحاول يجيب الهدية اللي ممكن تعجبك صحيح بتمثلي انها عاجباكي بس بينا و بيين بعض نادراً لما بتعجبك صح ؟؟؟ هههههههههه .
.

- الشاب غالباً عمروا ميتآمن على سر خدي بالك بقوا مبيتبلش فيه فولة وده غصب عنوا ديه طبيعة عادي يعني .
.

- الشاب طولك عندو مش مهم بس صدقيني مفيش عندو أهم من وزنك حااااسبي .

- لما سيادتك تجنني شاب معجب بيعاكسك و تديلوا الطرشة ( تنفضيلوا يعني ) هيتمسك اكتر بيكي و هيلزأ هههههههه .

- غالباً بيكون صعب على الشاب يسيبك و خصوصاً اذا كان بقالكو مع بعض أكتر من 3 سنيين ( يعني لو عمل كدة هيكون بيدوس على قلبه
.

- تجذير هاااام الشاب لازم يجرب الإحساس بالرفض وخصوصاً لو كان من الشوية الأماميير اللي مفيش بنت قدرت تقاوم جمال عيونه (ههههههه قال يعني ) وإلا عمرو مهيكبر و يعقل ويبطل لعب العيال

- الشاب عموماً عندوا انفعال و شغف انو يتغير للأحسن * بس إرادته للأسف ضعيفة يعني محتاج منك زأة لو مفيش مانع ههههه .

- الشاب يكون مع الناس كلها واد إيه أسد مرعب محدش يقدر يفتح بقوو معاه بس يجي معاكي أنتي و يبقى زي القطة المتروضة مش خوف منك لا سامح الله لأ ده من حبه ليكي هههههه ( إوعي تفهميه غلط ).

- لو الشاب في موقف المفروض يكون متنرفز فيه و هوعمالك عم الكوول اللي أعصابه باردة و ميتعصبش بسرعة شوفي اذا كان عرقان هتعرفي أد إيه هوا متنرفز ..

- لما الشاب يقولك سبييني في حالي إعرفي إنو بيقولك "بلييز تعالي و إسمعيني" يعني زني عليه عشان يحس انك مهتمة بيه و ان اللي يدايقو يدايقك (بس مش الزن اللي يخنق) .

-الشاب في الحقيقة غالباً ملوش قرار نهائي ( وخدي بالك من النقطة دي) .

. .

- لو الشاب فضل ساكت و قافل بقو متقلديهوش و تأعديلي ساكتة أنتي كمان انطقي و حاولي بكلمتيين كدة تزبطي القاعدة و تدوبي التلج اللي انتو فيه .
.

- الشاب بيحب في البنت أنوثتها بس ميحبش ضعفها يعني انوثة و قوة مع بعض و حلي بقى أنتي المعادلة الصعبة دي .

خلاص كفايه مش قادرة اكمل بس انتو بس اعملو دول والموضوع هيمشى هههههههههههههههههه
يارب يكون الموضوع عجبكم’طبعا يا جماعه الموضوع هزار كله

منقول للامانه