لكل فعل رد فعل
خرج علينا اسحاق نيوتن منذ قرون بقانون الفعل ورد الفعل فقال : ان لكل فعل رد فعل مساو له في المقدار ومضاد له في الاتجاه
ولكن المصريين اذهلوا العالم في القرن الحادي والعشرين واثبتوا خطأ نيوتن
كده يا عم نيوتن تنصب علي البشرية .. متستغربوش يا جماعة
مصر دايمة ولادة .. مش هي ام الدنيا برده .. يبقي اكيد ولادة.
ايه يا عم الكلام اللي انت عمال تقوله ده ..
يا عم استني انا قلت لسا حاجة
نحن المصريين اتثبتنا بالدليل القاطع والبرهان الساطع ان مش شرط ان يكون لكل فعل رد فعل ...
يعني احنا عمالين نشتكي الحياة بقت نار والبلد حالها واقف وحسني وشلته مسيطرين علي البلد وكيلو العدس بقي ب 9 جنيه والاخوان بيحالوا لمحاكم عسكرية وايمن نور في السجن ووزراء الاعلام قرروا خنق الاعلام و.... و.... وغيره .
ومع كل ده ولسا المصريين فله شمعة منورة بيشربوا سجاير أكتر ما بيتنفسوا بيكلموا ميلودي تريكس عشان تضرب معاهم مرة ويعدوا .. لا ولأ ده احنا بنبعت رسايل لأستار اكاديمي عشان اسمها ايه دي شوشو تكسب .
ايه الناس دي ... مش تحترموا فقركم وتعرفوا انكم شعب جعان .
حتي فتحي سرور ساب الدنيا واللي فيها وندد بهروب الحضري
.. يا اما تعالي خديني
اااااااه يا بلد
بلد " السبوبه " اه والله فعلا بلد السبوبه سبوبة الكوره مثلا خد عندك خمس قنوات مفتوحه تعيد وتزيد وناس جايه تاخد الافات علشان تحلل ماتشات اسمها ماتشات الدورى العام وكاست ومصوريين وخرجيين وجمهور بيتفرج بشغف .
حاجه تكسف والله ..
نرجع تاني لحبيبنا نيوتن
بعد ده كله ولا همسة رد فعل يبقي طبعا العيب مش فينا .. العيب في نيوتن اللي نصب علينا
[justify]
الإثنين أبريل 07, 2008 12:34 pm