انخدعت فيك

انخدعت بجد فيك

كل حاجه وليها حد
اتصدمت في نظرتي

كنت راسمة معاك حياة
مالية قلبي ودنيتي

بس زي ما قالوا دايما
حبي عامي نظرتي

شفت فيك دايما جمال
كان ملجم كلمتي

بس *** آن الآوان
اني ألحق غلطتي

كان بيعجبني الكلام
ويا نظرة الاهتمام

بس لازم يجي يوم
أصحى فيه من غفوتي

شايفة جوة عيون حبايبي
نظرة ليك غير نظرتي
كله جاي يقولي لا
مش هو ده دنيتك
يابنتي ده انسان بطبعه
بيحب نفسه ودنيته
وكتير بتتغاضي في حاجات
علشان تراضي حضرته

لما ابتديت اسمع كلامهم
صحيت بجد من غفوتي

لقيت بجد الحب أعمى
مش شايفه فيه غير جنته

لكن خلاص فوقت وبجد
لازم أمسح دمعتي

أصلي اتخدعت فيك بجد
واتصدمت في نظرتي